УИХ-ын гишүүн С.Одонтуяа Ө.Үнэнбүрэн гэх мундаг хүүтэй. Хүү Ө.Үнэнбүрэн нь сүүлийн жилүүдэд эрчээ аваад байгаа Bitcoin-ний зах зээл дээр ажилладаг ажээ.
Улмаар санхүүгийн шинэ салбар болох цахим арилжааны талаарх “Биткойн ба Блокчэйний тухай үндсэн ойлголтууд” нэртэй ном гаргаж, койны арилжаа эрхэлдэг нэр бүхий хүмүүсийг номыг нь дэмжихийг уриалжээ. Түүний энэхүү номны талаар иргэд өөр өөрсдийн байр сууриа илэрхийлж байна. Тухайлбал, түүнийг бодит бус зүйлээр ард түмний толгойг угаасаар байгаад ажил хийх хүн олдохгүй байна гэх хэсэг хүмүүс байгаа бол нөгөө талд дэмжигчид бас багаа юм.
Ө.Үнэнбүрэнгийн хувьд өдгөө 37 настай. Дөрвөн хүүхдийн эцэг тэрээр өөрийн үүсгэн байгуулалцсан компаниудаар дамжуулан криптовалют, энтертайнмент, интерьер дизайн гээд олон салбарт төрөл бүрийн төслүүд дээр ажилладаг аж. Тэрээр хөөрхөн гэргийтэй гэдгээрээ үеийнхэндээ алдартай. Эхнэртэйгээ танилцсан тухайгаа нэгэн хэвлэлд ярихдаа “Эхнэр бид хоёр 16 насандаа танилцаж байлаа. Бидний оюутан нас Бээжинд өнгөрсөн л дөө. Байнга л хөтлөлцөөд явж байдаг хоёр нөхөр өөрсдөө хүүхдээрээ шахуу эцэг эх болцгоосон. Одоо бол дөрвөн хөөрхөн хүүгийн аав ээж. Том хүү маань Бээжинд оюутан болоод удаагүй байхад төрсөн бол, хоёр дахь хүү төгсөх жилд төрсөн. Манай ээж биднийг “Та хоёр төгсөж ирэхдээ хоёр биш дөрвөн дипломтой ирсэн хүмүүс шүү” гэдэг юм.
Бодоод үзэхээр үнэхээр ч тийм. Монголдоо ирснээс хойш гурван жилийн дараа гурав дахь хүү, түүнээс ахиад хоёр жилийн дараа бага хүү маань мэндэлсэн” гэжээ.
