Сошиал медиа платформын хэрэглээ нь маркетеруудын хувьд анзаарахгүй өнгөрч болохгүй суваг болсон. Нэг ёсондоо, шинэ төрлийн бизнес өдрөөс өдөрт цэцэглэж байгаа.
Монголын хүн амын 2.2 сая нь фээсбүүкчин бөгөөд 95,4 хувь нь гар утаснаасаа ханддаг байна. Үүнээс 205 мянга нь төлбөртэй зар сурталчилгаа явуулдаг идэвхитэй FB page хуудас аж. Саяхныг болтол монголчууд инфлүүсэр, энтрэпрэнэр гэж юу болохыг мэддэггүй байлаа. Харин одоо олон хүн инфлүүсэр болж, сошиал медиа платформын зах зээлээс мөнгө олж байна. Инфлүүсэр, энтрэпрэнэр гэдгийг 10 жилийн өмнө ойлгох хүн Монголд байхгүй байсан байх. Энэ нэг үгээр хэлбэл, олны танил хүмүүс. Олон дагагчтай, пост, шейрийг нь уншдаг, хүлээдэг хүмүүстэй тэдгээр инфлүүсэрийг ашиглан бизнесийн сурталчилгаагаа явуулах нь өдгөө монголчуудын хувьд хэвийн үзэгдэл болсон.
Тэдний нэг “Positive Mongolians” влогыг үүсгэн байгуулагч Э.Дөлгөөн сошиал хэрэглэгчдэд ихээхэн нөлөөлж чаддаг. Тэрээр өөрийн цахим хуудаснаа “Хүүхдүүдээ хөхүүлэх үнэхээр сайхан байжээ… Энэ мэдрэмжийг нөхөх өөр зүйл обсо, Мээмээ идэж байгаа нярайн ам хамар тэр өөлхөн царай… үнэхээр хайр хүрээд хараад л баймаар… Дахиж ирэхгүй тэр үеийг нь хайрлаарай, мэдрээрэй…” гэжээ.
