Монгол Улсын хөдөлмөрийн баатар, гавьяат тамирчин, мэргэжлийн сүмо бөхийн 68 дахь их аварга Асашорюү Долгорсүрэнгийн Дагвадорж 1980 оны энэ өдөр Улаанбаатар хотод төржээ.
Тэрбээр сүмогийн 68 дахь ёкозүна болсон анхны Монгол хүн бөгөөд тэрхүү цолоо 2003 оны нэгдүгээр сард авч, сүмогийн түүхэн дэх хамгийн амжилттай ёкозүна нарын нэг бөгөөд нийт 25 удаа макүүчид түрүүлсэн билээ. 2005 оны бүх башёд (хонбашо) түрүүлсэн анхны сүмоч болсон юм.
Асашорюү нь 2004-2007 он хүртэл сүмо бөхийн цорын ганц ёкозүна байсан бөгөөд тэрхүү цолтой бөхөд тавигдах шаардлагыг хангадаггүй хэмээн хэвлэл мэдээллийн хэрэгсэл, Японы сүмо бөхийн холбоогоор олон удаа шүүмжлэгдсэн бөгөөд 2010 оны нэгдүгээр сарын тэмцээний үеэр хүнд гар хүрсэн хэмээн шуугисан явдал эцэстээ зодог тайлуулахад хүргэсэн билээ. Түүний зодог тайлах ёслол 2010 оны аравдугаар сарын 3-нд болсон юм.
