“Овжин охид” киногоор анх үзэгчдэд танигдаж байсан энэ бүсгүй айлын бага охин. Туулыг сургуульд байхад Дариймаагийн Оюунтуул гэхээр хүүхдүүд “Ээ, аавгүй” гэж дууддаг байжээ.
Түүний аавыг Дариймаа, ээжийг Уртнасан гэдэг. Ийн нэрлэх болсон нь багадаа хоёул өвдөмтгий хүүхэд байсантай холбоотойг хүмүүс тэр бүр мэдэхгүй эндүүрдэг аж.
Тэр монголын бүх цаг үеийн урлагийнхны намтрыг уншиж судалсан нь хэр нямбай хүн болохыг нь илтгэдэг. Хаанаас нь ч асуусан “гаргаахгүй” мэднэ гэж байгаа.
40 шүргэх насандаа амьдрал зохиож, өдгөө хоёр хүүхдийн ээж болсон түүнийг өмнө нь амьдралтай байсан, тэр бүү хэл нэг удаа хүүтэй хэмээн хардагдаж байв.
Учир нь “Ханилснаас илүү амраг” кинонд түүний хүүгийн дүрд тоглосон хүү амьдрал дээр аавтайгаа амьдардаг байсан тул бүсгүйд өдөр хоногоор ээнэгшин дасжээ. Ихэд дотно харагдах болсноос ийм яриа үүдсэн аж.
Золгүй явдлаас болж 31 хувийн түлэгдэлттэй байсан бүсгүй урлагт эргэн ирэхдээ “Хуримын сюрприз” киноны зургийн дарга, мөн туслах дүрд тоглож байв.
Нэгэн хэсэг “Х-ТҮЦ”-д харьяалагдаж байгаад бие даан уран бүтээл туурвих болсон жүжигчин А.Туяатай хамтран Т&Т продакшныг байгуулсан ч дорвитой уран бүтээлгүй “хоёр тийш болсон”.
