Монгол Улсын Ерөнхийлөгч У.Хүрэлсүх өдгөө ОХУ-д айлчлал хийж буй. Уг айлчлалд хэд хэдэн парламентийн гишүүн дагаж явсны нэг нь Д.Өнөрболор.
Өөрийгөө гадаадад боловсрол эзэмшиж, гахай шувууны мах идэж явснаа гайхдаг түүнд Төрийн дээд хэмжээний ёслол, хүндэтгэлийн үед хэрхэн биеэ авч явдаг ухаан, ухамсар нэн дутмаг бололтой. Өөрөөр хэлбэл, дипломат хэлэлцээрийн ажлаар улс үндэстэнээ төлөөлөн явж байж, амралт зугаалгаар явж буй аятай энд тэнд селфи хийж, үүнийгээ сошиалд цацан биеэ ёс бусаар авч яваад иргэд олон нийт ихээхэн бухимдалтай байна.
Эрхэм гишүүний ойр дотны туслагчид нь ёслол хүндэтгэлийн дэг журмын талаар мань гишүүнд сануулаагүй юу, эсхүл хэдэн сарын өмнө орос хэлний мэдлэгээрээ сошиалд гайхагдсандаа аархаж, “урамшсан уу” бүү мэд.
Ямартаа ч, хаана хэрхэн биеэ авч явах мэдрэмжтэй байхсандаа, эрхэм гишүүн минь. Зөвхөн таны нэр алдар биш улс үндэстэний нэр нүүр, ёс суртахууны хэм хэмжээ таны үйлдэлээр дүгнэгдэж буй билээ.
