П.Анужин: Цагаан гурил, цагаан давс, цагаан сахарыг зогсоогоод 25 жил болж байна
Сар шинээр ийм асуулт их асуулаа. Чи юм иддэг юм уу гэж таарсан хүн бүхэн шахуу асуув. Идэлгүй дээ, Гэхдээ:
Эсэн бусын үл зохицох, олон нэр төрлийн юм иддэггүй. Би шавь нартаа хэлдэг байсан юм. Наад ард урд нь оруулаад ам руугаа хийгээд байгаа юмнуудаа нэг тогоонд хийгээд, жишээлбэл нийслэл салатан дээрээ буузаа хийгээд, мах, боов өрөм, сүүтэй цай, цагаан будаа үзмээ нэмээд газтай ундаа хэсгийг хийгээд, жаахан амттан торт холиод 36,5 хэмд битүү халаагаад үз. Тэгээд таглаад хонуул. …Ийм юм идэж чадах уу, үнэртэж чадах уу гэж асуудаг байлаа. Бүгд л нээрээ тийм байна, пүү паа болдог юм Хоол хүнсний зохицол найрал гэж ярьдагт их учир бий! Үүнийг яриад 20 жил илүү болж.
Бага иддэг. Хоолныхоо талыг хасахад 2 дахин урт насалж, эрүүлждэг. Ходоодны 20-30 хувийг хоосон үлдээдэг. Урт наслах гээд байгаадаа биш өвчин зовлонгүй, хүнд гай болохгүй амьдрахыг хичээдэг.
Гадаад дотоодын импортын хүнс бараг иддэггүй. Эх орны хөрсөнд ургасан монгол ногоо, арвай буудай, монгол мах хүртдэг. Энгийн олон найрлагагүй монгол хоол хүртэнэ ээ. Үүнийг мөн л эртнээс ярьсан. Цагаан гурил, цагаан давс, цагаан сахарыг зогсоогоод 25 жил болж байна.
Өдөрт нэг хоол иддэг. Үхэж үрэгдээгүй л явна. Хүний оюун санаа өөрчлөгдөөгүй цагт цаг зуурын хоол сойлт, өлсгөлөн, турдаг тариа будаа хэрэггүй дээ.
