Манай редакцид шуурхай мэдээ ирлээ. Тодруулбал Өмнөговь аймаг дахь Цагдаагийн газрын Гашуун сухайт Гэрээт цагдаагийн хэлтсийн 22 алба хаагч ажил үүргээ гүйцэтгэж байх хугацаандаа covid-19 korona вирусын халдвар авсан нь шинжилгээгээр батлагдсан байна.
Нэг дор ингэж олон хүн халдвар авсан шалтгаан юу вэ? Эдгээр алба хаагчид олон сараар ар гэр, үр хүүхдүүдтэйгээ уулзаагүйгээс сэтгэл санаа, эрүүл мэндээрээ хохироод хүнд хэцүү байгаа нь ойлгомжтой. Тэднийг нэг жил гаруй хугацаанд тулаа хийлгэн 24/24 цагаар цаг агаарын хүнд нөхцөлд халуун, хүйтэн болон тоосжилт шороо ихтэй газар зөвхөн өргөсөн тангараг нэрийн дор дархлааг нь сэргэхгүй болтол нь ажиллуулсан. Ингэхдээ нэг дор бөөнөөр нь байлгаж сэлгэн амраагаагүй зэргээс үүдэлтэй гэдгийг эх сурвалж мэдээлж байна. Цагдаагийн байгууллагын дарга удирдлагууд нь энэ талаар одоогоор ямар нэгэн мэдээлэл хийгээгүй байна.
Цагдаагийн алба хаагчдын ар гэрийнхэн энэ асуудалд хариуцлагыг хэн хүлээх вэ? гэх асуултыг цагдаагийн байгууллагын дарга нараас асуухыг хамгийн ихээр хүсч байгаа аж. Өнөөдрийн байдлаар халдвар авсан цагдаагийн алба хаагчдын эхнэр хүүхдүүд нь сонсоод сэтгэл санааны гүн хямралд орж хаана, хэнд хандахаа мэдэхгүй дэмий л тээврийн цагдаагийн албаны дарга нарын амыг харж суугаа аж.
Албан эх сурвалжуудаас энэ мэдээллийг тодруулах гэсэн боловч тайлбар өгөөгүй. Харин халдвар авсан алба хаагчдын ойрын эх сурвалж энэхүү мэдээлэл үнэн болохыг баталсан юм.
Өмнөговь аймагт халдвар бүртгэгдсэн тохиолдолд шууд буцааж байсан бөгөөд ийнхүү нэг дор 22 тохиолдол бүртгэгдсэн талаар бид эргэж мэдээлсээр байх болно.
