Монголын улс төр, урлагийнхан хүүхдийн нэр барьж “хавсарч” байгаад ард түмнээсээ 2.2 тэрбум төгрөгийг босгож байсан цаг саяхан.
Тус мөнгийг одоогийн Хөдөлмөр нийгэм хамгааллын сайд А.Ариунзаяа, МҮОНРТ-ийн УЗ-ийн гишүүн Н.Онон, МУСГЗ Г.Ундармаа нар болон найруулагч Б.Баатар нар Хүүхдийн төлөө санд шилжүүлж буйгаа албан ёсоор мэдэгдсэн.
Гэвч тус мөнгө өдгөө хаана яваа нь энгийн иргэд бидэнд НУУЦ. Хүүхдүүдийн нэр барьж тэр их хэмжээний мөнгийг цуглуулсан хүмүүс нь бүгд шагналаа авч, шангаа хүртэж өнөөдрийн албан тушаал, эрх мэдэл, алдар нэрэнд нэгэнт хүрчээ.
Өнөөдөр хүүхдүүд ташраараа ханиад томуу, цахилгаан менингет зэрэг элдэв өвчинтэй амь нас, эрүүл мэндээрээ тэмцэж байхад нөгөө алдарт Хүүхдийн төлөөх фондны мөнгө ор сураггүй алга болжээ. Тэр их хэмжээний мөнгийг төр аль нэг банкны дансанд хийсэн л байж таараа.
Хоёр жилийн турш 2,2 тэрбум төгрөгийн хүү нэлээд хэдэн арван сая төгрөг болсон байх учиртай.
Хүүхдийн төлөө фондны хүүг өдгөө ханиад томуунд дарлуулж буй 0-16 насны хүүхдүүдийн эм, эмчилгээнд эрх тэгш хувиарлан зарж зарцуулж болохгүй гэж үү?
