Ард санхүүгийн нэгдлийн тэргүүн хатагтай Г.Уянга хэзээнээс өөрийнхөө зэрэг зиндааг тодорхойлж ирсэн гэдгээрээ алдартай. Энгийн нэгэн банкны ажилтнаас баян залуугийн хайрыг булааж, эхнэрийн сэнтийд суусан нь Үнсгэлжингийн үлгэр гэлтэй.
Өдгөө 40 нас зооглож буй Г.Уянга хатагтай дөрвөн хүүхэд төрүүлсэн ч овор нэмж, намба суугаагүй. Харин ч улам өнгө нэмж жавхаалаг харагдах болсон. Магадгүй нөхрийн хайр халамжаар тэтгэгдэж ийнхүү золбоолог алхдаг байж болох.
Үргэлж брэндлэг хувцасладаг тэрбээр энэ удаад Говийн ноолууран цамц, цагаан алтан бүрмэлтэй сувдан зүүлт, нэр хүндтэй брэндийн цагаан ковтоор гоёсон нь ванлий харагдаж байна. Сүүлийн жилүүдэд урт үстэй харагдахаа больсон тэрбээр энэ удаагийн үс засалтдаа сэтгэл дундуур буйгаа илэрхийлж, богиносгох бодолтой гэдгээ цахим хуудаснаа илэрхийлжээ.
