Сүүлийн үед олон нийтийн сүлжээгээр Шанхай хотын Жиншан дүүрэгт “нялх хүүхдийг тусгаарлах цэг” гэсэн гэрэл зураг олны анхаарлыг татлаа.
Зурган дээр олон нярай болон бага насны хүүхдүүд орон дээр чихэлдэж байгааг харуулсан байна. Орнууд байрлаж байгаа дүр зураг эмнэлгийн коридорт байгаа бололтой харагдана.
Хүүхдийг эцэг, эхээс нь салгаж, цаг тухайд нь асарч чадахгүйгээс болж “хүүхдүүдийн бөгс өмхийрчээ” хэмээн цахим ертөнцийн зарим хэрэглэгчид бичсэн байна. Санаа зовоосон асуудлын хариуд Шанхайн цуу яриаг няцаах эрх бүхий байгууллагаас дараах тайлбарыг хийжээ.
“Коронавирусийн халдвартай хүүхдийн тоо нэмэгдэж байгаатай холбогдуулан эмнэлгийн орчныг сайжруулах зорилгоор манай эмнэлэг хүүхдийн тасгийг амбулаторийн болон яаралтай тусламжийн байранд тохижуулсан. Хэвтэн эмчлүүлж буй хүүхдийн тоо нэмэгдсээр байгаа тул дотрын тасгийн нэмж тохижуулж байна.
Хүүхдийн эмнэлэг, Хүүхдийн эрүүл мэндийн төвд байрлаж буй эмч, сувилахуйн баг нь хүүхдийн эрүүл мэндийн оношилгоо, эмчилгээ, амь насыг асран хамгаалах үүрэгтэйгээр ажиллаж байна.
Хүүхдийн тасгийг улам боловсронгуй болгож, хүлээн авах үйл явцыг сайжруулах, өвчтөнтэй харилцаа холбоог бэхжүүлэх зорилгоор хүүхдийн эмч, сувилахуйн багийг нэмж байна” гэжээ.
эх сурвалж:
