Залуус нэгдэж дуу хоолойгоо төр засагтаа хүргэж болохыг өнгөрсөн хоёр өдрийн “Ажлаа хий” жагсаал харуулсан. Жагсаалын үеэр 2008.07.01-ны өдөр шиг эмх замбараагүй байдал үүсгэж, үймүүлэхийг завдсан үйлдэл гаргасан гэх мэдээллийг цагдаагийн байгууллагаас өгсөн.
Ямартай ч жагсаалтай холбоотойгоор 67 хүн саатуулагдаж, 20 орчим хүн эрүүлжүүлэгдэн, долоон цагдаа гэмтсэн гэх мэдээлэл бий.
Харин цахим орчинд шууд дамжуулалт хийсэн бичлэгээр бол хэд хэдэн жирийн иргэн гэмтсэн баримт байна. Тухайлбал, Төрийн тусгайгийн хар машин цуваагаар явахдаа нэг охиныг шүргэсэн. Х.Нямбаатар руу шидсэн чулуунд оногдсон охины эрүүл мэнд, цагдаа нарт зодуулсан иргэд, гэмтсэн долоон цагдаа гээд хохирсон хүн олон бий.
Хохирсон тэдгээр иргэдийг эрүүл мэнд, сэтгэл санааны хохирлыг бүгдийг нь Л.Оюун-Эрдэнэ өөрөөсөө гаргаж, тэдгээр иргэдээс албан ёсоор уучлалт гуйх ёстой.
Өөрөөр хэлбэл анхнаасаа хүнд суртал гаргалгүйгээр гарч ирээд уулзсан бол тэр олон хүн гэмтэхгүй байв.
Иргэн цагдаагийн хооронд үл ойлголцол үүсэхгүй, хэн ч гэмтэхгүй байх боломжтой байв.
Тэрбээр олон нийтээс уучлалт гуйхыг оронд жагсагчид руу өөрөө гарч ирээд тайлбар өгдөг ерөнхий сайд хаана ч байхгүй гэж сошиал багаараа “тоглолт” хийлгэхээсээ ч ичих хэрэгтэй. Талбай дээр гарч ирэхдээ цагдаа, төрийн тусгайгийн 30 гаруй алба хаагчаар хамгаалуулж, байсныг тэнд байсан залуу харсан шүү дээ.
Тайван жагсаал болохоор хэн ч халдахгүй, халдах ч бодол байгаагүй. Хэрвээ жагссан залуус ухамсаргүй, халдах бодолтой байсан бол хоёр өдөр төрийн ордны гадаа тэгж хүлээцтэй суухгүй байсан. Хэрвээ жагссан залуус бөөндөө Төрийн ордон руу дайрсан бол гээд бодоод үзээрэй.
Ерөнхий сайдаа, Л.ОЮУН-ЭРДЭНЭЭ олон нийтээс, залуусаас уучлалт гуй!!!
Тэд олон нийтийн төлөө чиний хариуцлагагүйгээс болж гэмтсэн шүү
