Загварын ертөнцөд өөрийн өнгө төрх, амбицаа бий болгож чадсан бүсгүй бол модель С.Төгс. Өдгөө 30 насны босго руу дөхөж яваа тэрбээр 9 настай том охинтой. Охиныхоо аав загвар өмсөгч Эрдэнэцогтод анхны хайраа зориулж явсан тэрбээр амьдралд дахин яараагүй. 
Сүүлийн зургаан жил бүжигчин “тэнгэрийн ханхүү” гэгддэг Цэнгүүнтэй үерхэж буй тэрбээр эхнэр нь болохыг яарахгүй байгаагаа нэгэн удаа ярьж байв. Тэрбээр “Манай монгол эрчүүд ер нь дээрэнгүй юм уу, ихэнх нь. Гэхдээ энэ нь би олон хүнтэй болзож байгаа гэсэн үг биш шүү. Би олон эрэгтэй, эмэгтэй найзтай. Бүгд найз залуу, нөхөртэй, эхнэртэй. Тэднээс харж байхад ийм байдал анзаарагдаад байдаг.
Манай монгол эрчүүд дунд найз охиндоо, эхнэртээ тодорхой хэмжээгээр гар хүрч үзээгүй хүн гэж бий болов уу? Байхгүй байх. Үүнийгээ байж болох зүйл гэж боддог нь сонин. Би яасан юм, зүгээр л түлхсэн гэдэг. Түлхэх ч гэсэн гар хүрэх ш дээ. Би ийм дээрэнгүй амьдралд орох гэж нээх яарахгүй байгаа” хэмээн ярьж байсан удаатай.
