Сошиал ертөнцөд өөрийн дуу хоолойгоороо нийгмийн болохгүй бүтэхгүй асуудалд шүгэл үлээж байдаг Нара тэмбүүний асуудлыг хөндөж, сэтгэгдэлээ илэрхийлжээ. Тэрбээр “ Ер нь тэгээд л дэлхийд тэмбүүгээрээ тэргүүлэгчид болж байгаа шдээ. Шомбоо хаашаа толгой тийшээ байвал тэмбүү тэнд шүү.
Мянган хүнтэй нэг байрлалаар хийхийн оронд, нэг хүнтэйгээ 1000 байрлалаар хий энтэр гэж зааж сургаагүй юм байхдаа” хэмээн бичсэн байна.
Сүүлийн арав гаруй жилийн хугацаанд манай улсад бүртгэгдсэн нийт халдварт өвчний дунд бэлгийн замаар дамжих халдварын өвчлөл тэргүүлэх байрыг эзэлсээр л байгаа юм.
Тухайлбал, “Тэмбүүг устгая” хоёр жилийн үйл ажиллагааг тус яамнаас 2019 оны долдугаар сараас улс орон даяар эхлүүлсэн. Хүн ам, ялангуяа эрсдэлт бүлгийн хүн амыг халдварт болон халдварт бус өвчний цогц үзлэг, шинжилгээнд хамруулах ажлыг зохион байгуулж, энэ хоёр жилийн хугацаанд давхардсан тоогоор 1.1 сая хүнд тэмбүүгийн халдвар илрүүлэх шинжилгээ хийж 11.4 мянган шинэ тохиолдлыг илрүүлж, эмчлэн, эрүүлжүүлжээ.
Мөн “Тэмбүүг устгая” үйл ажиллагааны үр дүнд 2019 онд 66 тохиолдол бүртгэгдэж байсан төрөлхийн тэмбүү өвчний тоо 2020 онд 37 болж, 44 хувиар, 2021 оны эхний 10 сард 14 тохиолдол болж 74 хувиар тус тус буураад байгааг Эрүүл мэндийн сайд онцолжээ.
