“Испани дуу”-ны О.Баяржаргал нөхдийн урвалтыг нохойны хуцалтаар илэрхийлжээ

Рок попын ертөнцөөр аялж яваа уран бүтээлч бол О.Баяржаргал. Урлагийнхан дундаасаа хэлний авьяасаараа гайхагддаг тэрбээр Испани хэлээр өөрийн төрөлх хэл мэт дуулдаг гэдгээрээ онцгой. Тэр дундаа Испани хэлнээ латин америк, пламинго стиллээр дагнан уран бүтээлээ туурвидаг дуучин О.Баяржаргалаас өөр уран бүтээлч монголд байхгүй гэхэд хилсдэхгүй.
Сонин содон хэмнэлээрээ сонсогч түмний сонорыг мялаадаг тэрбээр 1990-ээд онд зохиогдож байсан “Нөхөд ноход” дууг шинэчлэн дуулж, дахин тэсрэлт хийв. Дуун дундуур нохойн хуцалт сонсогдох нь сонирхол татаад зогсохгүй, нийгэм тэр дундаа орчин цагийн нөхөрлөлийн үнэн нүүр царайг илэрхийлжээ.
Хэзээнээс уран бүтээлээ бусадтай ижилхэн хэвэнд цутгасан юм шиг байхаас цааргадаг тэрбээр тус уран бүтээлээрээ бусдаас өөр шүү гэх мэдрэмжийг төрүүлж чадаж буйг эрхэм сонсогч та дуулсан дуунаас нь анзаарах биз ээ. Дуучин О.Баяржаргалын хувьд Дундговь аймгийн Адаацаг сумын уугуул бөгөөд багаасаа л ардын болон уртын дуу дуулж өсчээ. Тэрбээр өөрийн хүсэл мөрөөдлийнхөө төлөө СУИС-ын 2009 онд дүүргэсэн. Тэр цагаас хойш Цэргийн дуу бүжгийн дуучнаар ажиллаж, өдгөө дуу бичлэгийн “Чимээ” студийг үүсгэн байгуулан, уран бүтээлээ тууривсаар явна. Дуучин залуугийн хувьд одоогоор олны танил болоогүй ч, авьяас ур чадвар, хөдөлмөрийнхөө үр шимээр урлагийнхнаасаа “Испани Баяраа” гэх хочийг зүүжээ. Тэр зөвхөн дуу дуулаад байдаггүй, ая зохионо, арга хэмжээг хөтлөнө, бас энтертаймент тоглолтыг мэргэжлийн түвшинд найруулах чадвартай гэдгээрээ бусдаас онцгойрдог юм билээ.
Дуучин О.Баяржаргал бүр жанраар дуулж чаддаг бөгөөд одоо Кантри, рок-н ролл, жааз, дип хаус гэх мэт шинэ стиль жанрын бүтээлүүд дээр ажиллаж байгаа аж. Магадгүй түүнийг бие даасан тоглолтоо хийвэл үзэгчид тун сонирхолтойгоор хүлээж авна гэдэгт эргэлзэхгүй байна.