Үзэгчдийн дахин алмайруулсан Эби

Теартын урлагаас дэлгэцийн бүтээл рүү хөрвөж яваа хүн бол найруулагч, жүжигчин Г.Эрдэнэбилэг буюу Эби. Нэгэн цагт хүүхнүүдийн хүсэмжит залуугаар тодорч явсан тэрбээр 40 гарсан насандаа “Belgute pictures”-ыг бий болгож “Аав”, “Хийморь” зэрэг киног хийж байв. Харин тэдний ээлжит бүтээл “Тэгри чину” хэмээх олон ангит уран сайхны кино үзэгчдийн хүртээл болж эхлэв. Тус киног найруулагч Г.Эрдэнэбилэг найруулж, мөн өөрөө гол дүрд нь тогложээ. Уг киноны гол дүрийг Монголын сор болсон уран бүтээлчид амилуулжээ. Тухайлбал, АнГол овгийн тэргүүн Засаг Жарайн дүрд Хөдөлмөрийн баатар, ардын жүжигчин П.Цэрэндагва, Хэрээ овгийн Тахилчийн дүрд гавьяат жүжигчин Д.Цэрэндарьзав, “Цагаан гавал” овгийн үхэшгүй Азарын дүрд Г.Эрдэнэбилэг, Хадаан овгийн тэргүүн Хадун Саёогийн дүрд С.Ариунбямба нар тоглосон байна. Киноны нээлтийн үеэр манай папараци дуран түүнийг ийнхүү дурандаа буулгав.