Монголын кино урлагийн алтан үеийн нэг МУГЖ Ё.Цог гуайг танихгүй хүн ховор. 80 гэх өндөр насыг зооглож буй хэдий ч реклам сурталчилгаанд тоглож харагддаг. Түүнийг хүмүүс “Рекламны өвөө” хэмээн нэрлэдэг гэнэ. Ялангуяа нэгэн хэсэг “….Цогоо гуай. Та ямар телевиз авсан юм бэ. Цогоо гуай….” гэдэг Хүрлээ Цогоо гуай хоёрын хошин рекламаар бүр ч андахгүй. 
Түүний үеийн хөгшчүүд тэтгэвэртээ гарч, гэртээ сууж байхад харин Ё.Цог гуай урлагтаа л үнэнч зүтгэсээр. Түүний тоглосон кино, жүжиг гэвэл маш олон. Үүний дотроос “Богд хаан”-ы дүрээр хүмүүс сайн мэднэ.
Ё.Цог гуайн авьяасыг түүний хүү МУСТА найруулагч Ц.Хүсэлбаатар, ач охин Х.Баярмаа нар өвлөж буй. Тэднийг удам дамжсан гурван үеийн жүжигчид хэмээн нэрийддэг билээ. Удам дамжсан гурван үеэрээ “Аюултай харилцаа” кинонд тоглоод амжсан шүү.
Хэнтий нутгаас гаралтай тэрбээр цэрэгт татагдаад л цэргийн үлээвэр найрал хөгжимд хуваарилчихсан аж. Таван жил цэргийн хөгжмөөр явж байгаад драмын урлаг руу орж, өдгөө 60 жил энэ урлагтаа зүтгэжээ.
Дэлгэцийн урлагт 60 жил зүтгэж яваа Ё.Цогоо гуай
By Эрхэм админ
