“Зүрхэнд шивнэсэн үг” киноны дүр, “Цахилж яваа гөрөөс” киноны Дамба, “Үхэж үл болно” киноны Дайр Үсэн ,“Эзэнгүй айл” киноны Мэрэгч, “Наймаачин” киноны байцаагч, “Араанд нь алт ард нь хутга” киноны боссын туслах, “Цагаан дуганы гэгээ” киноны Ринчинов зэрэг дүрээр олон мэдэх МУСТА Ж.Пүрэвдорж.
Үүнээс гадна тэр “Учиртай гурван толгой” жүжгийн Балганаас эхлээд Улсын драмын эрдмийн театрт тоглогдсон сонгодог жүжгийн ихэнх эсрэг дүрийг амилуулсан.
Улаанбаатар хотод төрсөн, Завхан нутгийн Хөгжимт драмын театраас уран бүтээлийн гараагаа эхэлсэн түүнийг уран бүтээлчид “Сахал Пүүжээ” хэмээн хочлох бөгөөд Улсын драмын эрдмийн театр хэмээх айлд 40 жилийнхээ хөдөлмөрийг зориулж байгаа нэгэн. Тэрээр Төрийн дээд Сүхбаатарын одонгоор энгэрээ мялаасан.
“Тэгри Чину” кино нээлтийн үеэр манай дуранд буусан юм.
