80 нас руу золгож яваа АЖ Д.Мэндбаяр гуай ануухан явна

Улсын драмын эрдмийн театрт 1963 оноос хойш ажиллаж, амьдрал, уран бүтээлээрээ холбогдсон Ардын жүжигчин Д.Мэндбаяр гуай мундаг ахмад жүжигчдийн нэг билээ. Тэрбээр Ф.Шиллерийн “Хар санаа, хайр сэтгэл” жүжгийн Луйза, Э.Войнич “Овод” жүжгийн Джемма, К.А.Треневийн “Любовь Яровая” жүжгийн Любовь Яровая, У.Шекспирийн “Отелло” жүжгийн Дездемон зэрэг 100 гаруй драмын жүжиг, Ш.Ёнхорын “Эдлэх ёсгүй эрх” жүжгийн Бадамлянхуа, Д.Намдагийн “Шинэ байшинд” жүжгийн Мядагмаа, Д.Дожоодоржийн “Цагаан дэглий” жүжгийн Цэрмаа зэрэг телевизийн 20 гаруй жүжгийн гол ба туслах дүрийг бүтээсэн алтан тайзны эзэн юм.
Монгол түмний хайртай жүжигчин Мэндбаяр гуайг манай сайтын папараци булан онцолж байна. Тэрбээр энэ онд 78 нас хүрч буй юм. Тэрээр Алтан үеийн ахмад жүжигчин гэдгээрээ одоо ч эрэлттэй байдаг. Түүний тоглосон уран бүтээлд сэтгэл нь шингэсэн байдаг билээ.