On’n Off продакшны гүйцэтгэх захирал, Mongolia’s Next Top Model нэвтрүүлгийн шүүгч Т.Нансалмааг танихгүй хүн ховор.
1990-ээд онд их хотын “лүүнз” хүүхэн явсан тэрээр монголын шоу бизнес, загварын ертөнц, урлаг соёлт мөрөө тод үлдээсэн бүсгүй. 
Хүмүүст өөрийн дуу хоолой, ажил хэргээрээ эчнээ танил болсон Т.Нансалмаагийн талаар тэр бүр сайн мэдэхгүй байж болох юм. Учир нь Google-д түүний ярилцлага маш цөөн. Пентатоник наадмыг хөтөлж, “Master of Cerenomy” гэх нэр хүндтэй үүргийг гүйцэтгэж байснаар нь монголын элитүүд, дундаас дээш насныхан илүү тод санадаг байх.
Өдгөө 50 насны босго алхсан ч тэрбээр хаана ч, хээнцэр, чамин тансаг харагдаж чаддаг. Тэгвэл өөрийн цахим хуудаснаа зуны дэлгэр цагийн бороотой бүүдгэр өдөр хэрхэн хувцаслаж, амжлаа амжуулж буйгаа онцолжээ.
