Цар тахлын нөхцөл байдлын улмаас олон хүн ажилгүй, бизнесгүй болж урд хормойгоо хойд хормойгоороо нөхөж яваа. Олон ч бизнес дампуурч, олон өрх хоногийн хоолоо чүү чай залгуулах болсон.
Нийгмийн нэг хэсэг нь орлоготой байхад нөгөө хэсэг нь хоосон хонож буй энэ жилүүдэд эрүүл мэндийн салбарт бизнес явуулдаг, эсхүл үл хөдлөх хөрөнгөтэй хүмүүс л хонож байгаа гэхэд хилсдэхгүй. Тэдгээр жагсаалын эхэнд Олимпын аварга Э.Бадар-Ууганы гэргий Х.Азжаргал бичигдэнэ. Учир нь тэд өнгөрсөн жилүүдэд “Өөжин мэд” эмнэлгийнхээ нэгээхэн хэсгийн бизнес эрхлэгчдэд түрээслүүлж, өөрийн эмнэлгийн менежментийг сайжруулсны хүчинд үйлчүүлэгч олонтой болсон. Гадаад руу эмчилгээнд явах гэж байсан бүсгүйчүүдэд боломжийн үнэ хөлс санал болгож, хүүхэдгүй хүмүүсийг “хуйлруулсан” гэхэд болно. 
Үүнийхээ ачаар эдийн засгийн хямралтай он жилүүдэд огт хямарсан шинжгүй байж, хил гааль нээгдэв үү үгүй юу гадаадын хамгийн тансаг, зэрэглэл өндөртэй амралтуудад амрах болсноо ч нуугаагүй. Тэд өдгөө аралын Япон улсад аялж, амарч яваа.
