Монголын урлагт өөрийн донж хэв маяг, өнгө төрхөөрөө ялгардаг дуучин бол Наагий буюу Наранбаатар. 
Наадмын өмнөхөн төрд үнэлүүлж, Алтангадас одонгоор энгэрээ цоолуулсан тэрбээр наадмын өдрүүдэд цэцэг цэврүү шиг охидоороо гангарч явсныг манай папараци дуран онцолж буулгалаа.
Тэрбээр өөрийн стиль жанрынхаа тухай хэвлэлд ярихдаа “Гаднынхныг дуурайж уран бүтээл хийж болохгүй гэж би боддог. Тэгсэн тэгээгүй 100 жил хөгжиж, дэлхийн алдартай уран бүтээлчдийн хүртээл болсон энэ урлагийг бид тэр чигт нь хуулах онцгүй. Аливаа зүйл алхам алхмаар дээшлэх ёстой гэдэгтэй би санал нийлдэг. 
Улс орны өөрийн гэсэн онцлогтой байх хэрэгтэй. Жазз хөгжмийг би их сонирхдог. Тэр тусмаа хөгжмийг маш их сонсдог, дуунуудыг нь дуулдаг. Бүх зүйлийг сэтгэлээсээ хийх хэрэгтэй. Би сэтгэлээсээ ханддаг учраас энэ бүх амжилтууд маань надад ирсэн шагнал юм бол уу гэж боддог. Жазз хөгжмийг хэр баргийн хүн тоглох боломж байх биш, өөрөө хөгжиж байж сурна. Би одоо ч гэсэн хөгжөөд л, сураад л явж байгаа. Насан туршид сурна. Дэлхийн алдартай дуучдаас үлгэр жишээ аваад явна. Хэзээ ч үнэ цэнээ алдахгүй уран бүтээл туурвих зорилготой” гэжээ.
