Хан-Уул дүүргийн Засаг даргын Тамгын газрын захиалгаар Наадамчдын гудамж дахь Яармагийн авто замд явган хүний нүхэн гарц байгуулж буй.
Энэ ажлын хүрээнд авто замыг сэтэлж, бүтээн байгуулалтын ажлыг үргэлжлүүлэх шаардлагатай болсон тул “Хүннү молл”-ын баруун урд талын уулзвараас “Шинэ өргөө” хороолол хүртэлх 200 метр замын хөдөлгөөний зохион байгуулалтад түр хугацаанд өөрчлөлт оруулахаар болсон. Тодруулбал,
-Наймдугаар сарын 1-11-ний хооронд зүүнээс баруун чиглэлийн,
-Наймдугаар сарын 11-22-ны хооронд баруунаас зүүн тийш чиглэсэн хөдөлгөөний зохион байгуулалтад тус тус өөрчлөлт оруулах юм.
Тэгвэл үүнд иргэд ихээхэн бухимдаж, амьдралынхаа алтан цагийг хотын төв рүү алхсан ч, суусан ч зарцуулж байна хэмээж эхэлжээ. Учир нь түгжрэл ихэссэнтэй холбоотойгоор иргэд нэг талдаа 4-5 цагийг зарцуулах болсон байна.
