“Сорхугтани”, “Сайн хаан Бат”, “Самар хатан” зэрэг түүхэн бүтээлүүдээрээ уншигчдадаа танигдсан зохиолч, сэтгүүлч Бямбын Сарантуяа өнгөрсөн цагаан сарын үеэр Монгол Улсын Соёлын гавьяат зүтгэлтэн цолоор шагнуулсан.
Тэгвэл тэрбээр өчигдөр Соёлын гавьяат зүтгэлтэн цолныхоо мялаалга найрыг хийсэн байна.
Б.Сарантуяа нь 1973 онд Өвөрхангай аймгийн Арвайхээрт төрсөн бөгөөд 1995 онд УБДС-ийн утга зохиолын ажилтны ангийг төгсжээ. 
Үндэсний телевизийн “Гэрэлтэй цонх” нэвтрүүлгийн сэтгүүлчээр ажиллаж байсан бөгөөд 1990 оноос уран зохиол бичиж эхэлсэн байна.
