Сэтгүүлзүйн салбараас “төрж”, иргэдээ төлөөлж УИХ-д сууж буй эрхмүүдийн нэг бол Б.Жаргалмаа. Бага залуугаасаа телевизийн салбарт ажиллаж сэтгүүлч, нэвтрүүлэгч, тоймч хийж ирсэн тэрбээр өнөөгийн парламентийн “хэлгүй” гишүүдийн нэг. Чуулганд тэр бүр үг хэлж, санаа оноогоо бусадтайгаа тэрбээр хуваалцаад байдаггүй учраас иргэдээс ийм тодотгол хүртсэн.
Б.Жаргалмаа гишүүний хувьд энэ өндөрлөгт хүрэхээсээ өмнө амьдралын эрээн бараан өвчин зовлон гээд бүхий л үйлийг энэ биеэрээ үзсэн “хашир толгой”.
Нэгэн цагт дүүгийнхээ хүүхдийг автомашинаараа санамсаргүй дайрч амь хохироосон гэх “муу нэр”-ийг ч тэр зүүж явсан. Хэдхэн жилийн өмнө тархины хавдраар өвдөж элэг нэгт монголчуудаасаа тусламж гуйж явсан тэрбээр өдгөө эрүүл саруул болж, энэ биеэ монголчуудынхаа эрх ашгийн төлөө зориулж явна. Түүнийг манай папараци дуран онцлон дурандлаа.
