Урлагийн салбарт өөрийн дуу хоолой, уран бүтээл, нэр хүндээрээ танигдсан залуу бол дуучин С.Бичүү. 
Урлагийн салбарт 20-иод жилийн турш дуулж яваа тэрбээр цусны цагаан эсийн хорт хавдраар өвдсөн Хаш-Эрдэнийн Түмэнжаргал хүүд туслахыг уриалжээ.
Х.Түмэнжаргал хүү нь 2020 оны 11 дүгээр сард анх цусны цагаан эсийн хорт хавдартай гэж оношлогдон ЭХЭМҮТ-д 2021 оны 9 дүгээр сар хүртэл эмчлүүлэн гарсан боловч 2022 оны 8 дугаар сард хорт хавдар дахилт өгч чөмөг шилжүүлэх суулгах хагалгаа хийлгэхээс өөр аргагүйд хүрсэн. Гэвч түүний хийлгэх хагалгаа нь Монгол улсад хийгдэх боломжгүй тул Турк MEDICAL PARK эмнэлэгт 500 сая төгрөгөөр хагалгаа хийлгэх шаардлагатай болсон байна. Улмаар хүүгийн ар гэрийнхэн 2 жилийн хугацаанд хүүгээ эмчлүүлж, эрүүл болгоход бүх л хөрөнгө мөнгөө шавхаад дуусчээ. Иймд хагалгаа хийлгэх мөнгөө монголын ард түмнээсээ тусламж дэмжлэгээр бүрдүүлэх аргагүй байдалд хүрээд байна.
Өдгөө хүүгийн аав Хаш-Эрдэнэ хүүгээ Турк улсад орхиод эх орон, элэг нэгтнүүдээсээ тусламж гуйхаар ирээд байгаа аж. Иймд дуучин С.Бичүү өдгөө Сүхбаатарын талбай дээр хүүгийнхээ төлөө тусламж гуйж суугаа аавд туслан өөрийн цахим хуудсаараа лайв хийжээ.
Туслахыг хүссэн хэн бүхэн цахим хаяг дээрээ #SAVEFORTUMENJARGAL нэрээр хаштаг хийх эсвэл ХАНДИВЫН ДАНС болох ХААН БАНКны 5167554588 дансанд сэтгэлийн өглөгөө өргөж болох нээ. Дансны дугаар нь Түмэнжаргал хүүгийн аав Н.Хаш-Эрдэнийн нэр дээр байгаа аж
