АН-аас парламентийн танхимд сууж буй ганц бүсгүй бол С.Одонтуяа. Эрчүүдтэй ан мана, ач тач үзэлцэн төрийг түшиж буй түүнийг манай папараци дуран онцолж байна. 
УИХ-ын гишүүнээс гадна УИХ-ын дэд дарга гэх гуншинтай тэрбээр сүүлийн үед завгүй шахам гүйхээрээ явах болжээ. Учир нь тэрбээр 2022 оны улсын төсвийн төсөлд сэтгэл дундуур яваа бололтой.
Үүнийгээ ч илэрхийлж, “Эрх баригчдад ямар ч бодлого алга. Хуучин хөрөнгө оруулалтаа дуусгана, шинээр хөрөнгө оруулалт хийхгүй гэж сайхан бичиж байгаа ч 2.5 их наяд төгрөгийг зарцуулна гэж байна шүү дээ. Энэ чинь дахиад л валютын урсгалтай холбоотой. Цаашид юмны үнэ нэмэгдэнэ, иргэдийн амьдрал уруудна. Гадаад өрөө төлж чадахгүй бол шууд дифолт зарлана. 
Яагаад зардлыг 2 их наядаар нэмээд оруулж ирж байгаа юм. Энэ бол асар их тэлсэн сэдэв. Эдийн засагт муу үр дагавар авч ирнэ. Тиймээс маш буруу гэж үзэж байна. Дээр нь, нүүрсний хэрүүл гарч байна. Цаашид яах юм. Эрчим хүчний үнэ нэмэгдэхээр аж ахуйн нэгж хаалгаа барина. Ингэж эдийн засгийг хэтэрхий өөдрөгөөр төсөөлж оруулж ирэх нь ард иргэдээ хуурч байгаа л явдаг шүү” хэмээн ярьсан байдаг.
Сонирхуулахад, түүний хань Г.Өлзийбүрэн нь МАН-ын гишүүн билээ.
