Өнөөдөр Хөгжмийн зохиолч Л.Мөрдоржийн том ач, тогооч Г.Тэнгисийн төрсөн өдөр тохиож байна.
Цэнхэр дэлгэцээр айлын хойморт урилгагүй зочилдог тогооч Г.Тэнгисийг танихгүй монгол хүн үгүй биз ээ. Хоол хийх авьяасаа брэнд болгосон мань эр Монгол дахь Итали хоолны тогооч нарын холбооны дэд ерөнхийлөгчийн сонгуульт ажилтай. Италид тогоочийн боловсрол эзэмшсэн мань эр рестораны бизнест өрсөлдөж, УИД-ийн зүүн талд “Venezia” хэмээх илтали ресторанаа нээж олны танил эрхэмүүдийг урьж нижгэр нээлтээ хийж байсан цаг саяхан.
Хар багын л санаанаас зохион элдэв хоол хийн хоёр дүүгээ дайлдаг байсан мань эр өөрийн сургалтын төвөө ч нэж амжсан сүүхэйтэй нэгэн. Мань хүнийг тогооч гэдгээр нь монголчууд андахгүй ч хөгжмийн зохиолч Л.Мөрдорж гуайн ууган ач гэдгийг тэр бүр мэдэхгүй.
Тэрээр өвөөгийнхөө талаар ярихдаа “Богд хааны өргөмөл хүү, Дондогдулам хатны өвөр дээр өссөн гэсэн. 18 настайдаа анх одон авч байсан. Мундаг мэдлэгтэй хvн байсан. Хоёр хүүтэй. Том хүү Эрдэнэбаатар нь Соёл урлагийн их сургуульд багш, бага хүү Галбаатар нь миний аав” гэсэн. Ө
вөөгийн эрх хүү багаасаа төгөлдөр хууртай нөхөрлөн урлагт татагдсан ч авьяас дутсанаас ч тэр үү энэ мэргэжлийг сонгоогүй гэдэг. Хөгжим бүжгийн дунд сургуульд хүртэл шалгуулсан ч тэнцээгүй гэдэг.
