Олон мэргэжлийн эзэн “од” УКА

Өвөрмөц дүр төрх, дахин давтагдашгүй дуу хоолойгоороо фэнүүдээ байлдан дагуулдаг Киви хамтлагийн ахлагч Д.Уламбаяр буюу Ука танихгүй хүн цөөхөн биз ээ. Түүний хувьд “Voice mongolia” тэмцээний шүүгчээр ажиллаж өөрийнхөө нийгэмд эзлэх байх суурийг илүүтэй тодотгож, бас баталсан.
Өдгөө 43 насны босго давсан түүнийг хэн ч харсан хорин хэдтэй л гэж хэлмээр. Ямар ч юмханаар өөрийгөө болгодог байсан Ука Улаанхуарангийн 44-р сургуулийг дүүргэж байсан гэдэг.
Арван жилээ төгсөөд Ука ээж аавынхаа зөвлөгөөг дагаад гадаад хэлний “Орхон” дээд сургуульд орсон байдаг. Гэвч Укад хэлмэрч, нарийн бичгийн даргын мэргэжил зохисонгүй. Тиймээс СУИС-ийн жүжигчний ангид элсэлтийн шалгалт өгсөн ч хоёр дахь шатны шалгалтдаа тэнцээгүй уначихжээ. Гэхдээ шалгалтад унасан нь түүнд өөр оргилыг нээж өгсон юм. Ангирмаа багшдаа СУИС-ийн шалгалтад тэнцээгүй гэдгээ хэлэхэд “Nature sounds”-даа бүжгийн багшаар үлдэхийг санал болгосон байна. Ука тэндээс урлагийн гараагаа эхлүүлж, “Киви” хамтлагт орсон түүхтэй.
Өдгөө 8 настай балчираас 80 настай хөгшид хүртэл Укаг мэддэг, “танидаг”. Энэ утгаараа монголын superstar-уудын нэг болж яваа түүнийг папараци дурандаа онцлон буулгаснаа сонирхуулж байна.