Цэцээ гүн” рүү алхаад буцах замдаа төөрч, нас баржээ

Төв аймгийн Сэргэлэн сумын Хөшиг багийн “Манзуширын хийд” орчим нэгдүгээр сарын 01-ний өдрийн 11:00 цагийн үед иргэн Г, О нар “Богд хан-Уул”-ын оргил “Цэцээ гүн”-ийн чиглэлд алхалт хийгээд буцах замдаа төөрчээ.
Энэ үед иргэн О-ын бие нь өвдөж явж чадахгүй болсон тухай дуудлагыг мөн өдрийн 18:50 цагт хүлээн авсан.
Ингээд иргэдийн байршлыг “What3words” аппликэйшинээр тодорхойлсноор аймгийн Онцгой байдлын газрын Эрэн хайх, аврах салбарын алба хаагчдыг очиход тухайн 2 иргэн байгаагүй тул эрэн хайх ажиллагааг эхлүүлсэн.
Эрэн хайх үеэр нийслэлийн Баянзүрх дүүргийн харьяат иргэн, 37 настай, эрэгтэй Г өөрөө уулнаас эсэн мэнд бууж, “Цэцээ гүн” амралтын газар ирсэн бөгөөд 37 настай, эрэгтэй О-ын цогцсыг 00:44 цагт “Өгөөмөрийн-Ам” гэдэг газраас олж, Цагдаагийн байгууллагад шилжүүлэн өгчээ.