Шри Ланка улсын засгийн газар 51 тэрбум ам.долларын (40 тэрбум фунт стерлинг) гадаад өрөө төлж чадахгүйд хүрч, өнгөрсөн жил дефолт зарласан. Тус улс олон улсын зах зээлд гаргасан бонд, своп хэлцлээс бусад зээлийн эргэн төлөлтийг гүйцэтгэх боломжгүй болсон нь энэ. 
Засгийн газар нь шаардлагагүй дэд бүтцийн төслүүдийг санхүүжүүлэхийн тулд Хятад зэрэг улс орнуудад асар их өр тавьжээ. Тухайлбал, тэд БНХАУ-д 6.5 тэрбум сая ам.долларын өртэй бөгөөд 22 сая хүн амтай.
Харин манай улс 3 сая хүн амтай ч, 2022 оны байдлаар 33.3 тэрбум ам.долларын өртэй байгааг Сангийн сайд Б.Жавхлан онцолсон байдаг. Үүний ихэнх хувь нь БНХАУ-ын өр эзэлж буй нь одоогоор “улсын нууц”.
Нийт гадаад өрийн:
• 12.3 (37.8%) тэрбум ам.доллар нь шууд хөрөнгө оруулалт, компани хоорондын зээллэг,
• 8.9 (27.3%) тэрбум ам.доллар нь бусад салбарынх,
• 7.6 (23.5%) тэрбум ам.доллар нь Засгийн газрынх,
• 2.3 (7.1%) тэрбум ам.доллар нь Төв банкных,
• 1.4 (4.2%) тэрбум ам.доллар нь Төв банкнаас бусад хадгаламжийн байгууллагынх байна.
Улсын нийт гадаад өр: Засгийн газар, орон нутаг, Монголбанк болон Монгол Улсад бүртгэлтэй аж ахуйн нэгж, иргэдээс Монгол Улсад бүртгэлгүй, эдийн засгийн харьяат бус аливаа этгээдэд төлөх өрийн хэрэгслээр үүсгэгдсэн төлбөрийн үүргийг ойлгоно. Үүнд гадаад зээл, өрийн бичиг, харилцах хадгаламж, худалдааны зээл болон урьдчилгаа болон бусад өрийн хэрэгслээр үүсгэгдсэн төлбөрийг хамруулна.
Засгийн газрын дотоод өр: Өрийн хэрэгслээр үүсгэж, Монгол Улсын Засгийн газраас бусдын өмнө хүлээсэн төлбөрийн үүргийг ойлгоно.
Засгийн газрын гадаад өр: Монгол Улсын Засгийн газрын эдийн засгийн харьяат бус аливаа этгээдэд төлөх өрийн хэрэгслээр үүсгэгдсэн төлбөрийн үүргийг ойлгоно.
Шир Ланка манайх хоёр ЭДИЙН ЗАСАГ болоод УЛС ТӨР ер хэд хэдэн зүйлээрээ адилхан гэгдэж байна. Авлигаараа, түлш, эрчим хүчний хараат байдлаараа.
Өсөлтийн үед овойж оцойтол зээл аваад үрж орхиод хөрөнгө оруулагчдын итгэлийг алддаг байдлаараа ч тэр.
