Улаанбаатар хотын одоогийн дарга Д.Сумъяабазар багагүй “но”-той, хэлсэн ярьсандаа хүрдэггүй “жудаггүй” эр гэдгийг мэдэхгүй хүн үгүй боллоо. Наад захын жишээг дурьдал, “Усан парк” барих нэрийдлээр газар аваад оронд нь орон сууц барьчихсан түүх түүнд бий.
Уг нь нийслэлийн Засаг дарга Д.Сумъяабазар “Эм энд Жи” констракшн нь 2008 онд орон сууцны зориулалтаар газрын зөвшөөрлөө авсан. Тухайн үеийн Засаг дарга газар эзэмших эрхийг нь хүчингүй болгосон байдаг. Гэвч Захиргааны хэргийн шүүхээс 2021 онд өмнөх Засаг даргын энэхүү шийдвэрийг хүчингүйд тооцож, газрын эрхийг нь сэргээсэн. Одоо баригдаж байгаа орон сууцны барилгын ажил нь хуульд зөрчөөгүй, хуулийн дагуу явагдаж байна. 
Энэ асуудлыг улс төржүүлээд байгаа” гэсэн хариу өгсөн байдаг. Гэсэн ч төслийн түүх иргэдийн сонирхлыг татсаар байгаа.
“Усан парк барих нэрийдлээр” хэмээн тодотгож байгаа учраас тус компанийн төслөөс усан парк нь үнэхээр алга болчихсон уу гэдгийг гүйцэтгэгч “Эм энд Жи” констракшны захирал А.Амарбаясгалан нэгэнтээ хэвлэлд тайлбар өгсөн байдаг. Тэрбээр “Усан паркийн төсөл хэрэгжээд, үргэлжилж байна. Зарим хэвлэл мэдээллийн хэрэгсэл усан паркийн хэсгийг орхиод орон сууцны барилгын ажлын мэдээллийг өгч байна. Усан паркийн ажил зогсоогүй. Зөвхөн усан паркийн төсөлд 90 сая ам.доллар зарцуулна. 2026 он гэхэд төслөө бүрэн дуусгахаар зорьж ажиллаж байна” гэсэн.
Тэгэхээр “Эм энд Жи” констракшн нь орон сууцнаас гадна 1000 хүүхдийн сургууль, 600 хүүхдийн цэцэрлэг, үйлчилгээний төв,спортын ордон барина. Хамгийн чухал нь усан парк юм. Жилийн дөрвөн улиралтай манай улсын хувьд Дубай шиг задгай усан парк байгуулбал үр ашигтай ажиллахгүй нь ойлгомжтой. Дээрээс 11 га талбайг эзэлсэн усан паркийн төсөл гэж Азид байтугай дэлхийд байхгүй. Усан парк нь 4 га газарт баригдах бөгөөд ресторан, сургалтын төв гээд иргэдийн тав тухыг хангасан бүхий л үйлчилгээг цогцоор нь шийдсэн гэдгээ хэлсэн байдаг.
Хамгийн сонирхолтой нь тус орон сууцны захиалга дууссан гэнэ. Гэхдээ дотроо усан парк байхаар зохион байгуулалт огт байхгүй талаар эх сурвалжууд хэлж байна. Ийнхүү хотын дарга Д.Сумъяабазар монголчуудын нүдэн дээр шударга бус байдлыг бий болгож, орон сууц сүндэрлүүлж, орон сууцанд орох иргэдийн захиалгыг нэгэн аваад дууссан байхад, шударга байдал энэ нийгмээс хүсээд бид юу олж долоох билээ.
Иргэдийнхээ хулхин дээр цэцэг ургуулж, нийслэлчүүд биднийхээ итгэлээр тоглодог хотын дарга хэрэггүй биз ээ.
