Нийтийн дууны нэгээхэн том төлөөлөгч бол яалтчгүй дуучин Э.Чулуунчимэг билээ. Дуучин Б.Гүрбадам, Д.Найдандорж нартай хамтран уран бүтээл туурвидаг тэрээр хамтрагчаа ардын дуучнаар сольсон.
Олон бүсгүйчүүдийн краш, ардын дууны Б.Алтанжаргалтай хамтарч “Шанз торгон аялгуу” аялан тоглолтоо оны өмнө эхлүүлж байсан нь саяхан. Тэдний анхны хамтарсан уран бүтээл нь “Арван тавны сар” дуу байсан бөгөөд тэдний хоршил 21 аймаг тойрч аялах хүртлээ гүнзгийрсэн юм.
21 аймагт аялан тоглохдоо дутуу орхисон Булган, Говьсүмбэр аймагт “Шанз торгон аялгуу” тоглолтоо толилуулснаар Дуучин Э.Чулуунчимэг эхлүүлсэн ажлаа ийнхүү дуусгав. Эхлүүлсэн ажлаа дуусгаж, 21 аймаг тойрон аялан тоглоно гэдэг уран бүтээлч тэр тусмаа эмэгтэй уран бүтээлчид тийм ч амар ажил биш.
Ардын дууч Б.Алтанжаргал, Э.Чулуунчимэг нарын цаашдын уран бүтээлд амжилт хүсье
“Шанз торгон аялгуу” дууны шүлгийг яруу найрагч М.Цэрэнтогтох, хөгжмийг дуучин, ая зохиогч Г.Мөнх-Амьдрал бичжээ.
Л
