“Их Британийн Кино наадам”-аас “The Women” уран сайхны кино шагнал хүртлээ

2022 оны 12 дугаар сарын 14-нд Их Британи улсын нийслэл Лондон хотноо “Их Британийн Кино наадам” /British Film Festival 2022/ шагнал гардуулах ёслол зохион байгуулагдаж, найруулагч Б.Отгонзоригийн “The Women” уран сайхны кино “Best Lead Female Actor” буюу “Шилдэг эмэгтэй гол дүр”-ийн шагналыг жүжигчин Ч.Ундрал /СТА/, “Best Supporting Actor” буюу “Шилдэг туслах дүр” шагналыг жүжигчин Т.Борхүү /МУГЖ/ нар хүртсэн.
Шагналыг Монгол улсаас Их Британи, Умард Ирландийн нэгдсэн хаант улсад /ИБУИНХУ/ суугаа элчин сайдын яамны төлөөлөл гардан авсан билээ. Тус шагналыг өнөөдөр /1 дүгээр сарын 26/ Гадаад харилцааны яамны төлөөлөл “The Women” киноны уран бүтээлчдэд хүлээлгэн өглөө.
Дашрамд “The Women” киноны шагналыг хүлээн авахад гүн туслалцаа үзүүлсэн Монгол улсаас ИБУИНХ улсад суугаа элчин сайдын яамны хамт олонд талархал илэрхийлж байна.