Украин Орос хоёрын дайн өдий болтол үргэлжилсээр байгаа. Үүнтэй холбоотойгоор Засгийн газраас хүний эрх, эрх чөлөөг дээдлэгч ардчилсан орон гэдэг утгаараа бусад ардчилсан орнуудын жишгээр Украинд тусламжийн гараа сунгах шийдвэр гаргасан байдаг. 
Тус мөнгийг Засгийн газрын нөөц хөрөнгөөс 200 мянган ам.долларын тусламжийг шилжүүлсэн гэдэг. Гэтэл энэхүү тусламж очих ёстой газартаа хүргэгдээгүй талаар олон улс судлаачид болон Украины албаны хүн ярих болжээ.
Нөгөөтэйгүүр Украин улсад санхүүгийн, цэргийн, хүмүүнлэгийн тусламж үзүүлсэн улс орнуудын нэрсийг өдөр бүр зарлаж, дэлхий дахинд мэдээлдэг. Энэ дотор Монгол Улсаас өгсөн 200 мянган ам.долларын талаарх мэдээлэл одоо болтол гарч ирэхгүй гэнэ шүү. Өөрөөр хэлбэл Украин руу шилжүүлсэн гэх тусламжийн хөрөнгө одоо болтол очих ёстой газартаа очоогүй гэсэн үг.
Зарим олон улсын байгууллага, хэвлэлээр Монголоос ирэх тусламж алга болсон талаар мэдээлээд эхэллээ. Энэ юу гэсэн үг вэ гэхээр манай урт гартнууд энэхүү 200 мянган ам.долларыг Засгийн газраас гаргуулчихаад замаас нь хусчихсан юм биш үү гэх хардлага төрүүлж буй.
