Соёлын яам БНСУ-ын Соёл, спорт, аялал жуулчлалын яамтай хамтран Улаанбаатар хотын Төв номын санг дэмжих 5 сая ам.долларын хөтөлбөрийг баталж, тус улсын ажлын хэсгийнхэн Улаанбаатар хотод ирэхээр болжээ.
Тэд мөн театр, музей, урлагийн сургууль болон соёлын өвийн хадгалалт, хамгаалалт, сэргээн засварлалт, Хүүхэлдэйн театрын чадавхыг бэхжүүлэх, Соёлын бүтээлч үйлдвэрлэлийн инновацын төв байгуулах зэрэг хөрөнгө оруулалт, бүтээн байгуулалтын төслүүдэд хамтран ажиллахыг зорьж байна хэмээн Соёлын яам мэдээллээ.
Төслийн хүрээнд Улаанбаатар хотын Төв номын санг өргөжүүлж, орчин үеийн стандарт шаардлагад нийцүүлэхээр төлөвлөжээ.
