Сар шинийн баяр болох гэж буйтай холбоотойгоор иргэд идээ будаагаа зэхэж, идээний дээж сархадаа хүртэл худалдан авч байна. Гэтэл гаалийн байцаагч нараасаа эхлээд, энгийн иргэд хүртэл хойд хөршөөс “хортой” буюу хуурамч архи их хэмээжээгээр оруулж ирэн хямд үнээр борлуулж байна.
Дэлгүүрийн лангуун дээр үнэтэй зарагддаг архи, вискинүүдийг хэн ч худалдан авах үнээр борлуулж байгааг цагдаагийн байгууллага шалгаж, гарал үүслийн бичиггүй хуурамч архи болохыг удаа дараа илрүүлсэн хэргүүд гарчээ.
Мөн энэ оны эхээр цагдаагийн байгууллагад “Баянзүрх дүүргийн нутаг дэвсгэрт гэртээ архи үйлдвэрлээд байна, хашаанд нь их хэмжээний архины шил байна” гэх дуудлага мэдээлэл ирсэн. Дуудлага, мэдээллийг тус дүүргийн цагдаагийн газрын гуравдугаар хэлтсээс шалгахад иргэн “Б” нь хашаандаа байрлах гражид “Монгол стандарт”, “Чанар”, “Хийморь” нэртэй архи болон тоног төхөөмжүүдийг битүүмжилж, татварын тэмдэгт, архийг хуурамч эсэхийг тогтоохоор шалгалтын ажиллагаа явуулж байна.
Түүнчлэн, иргэн “А” нь бусадтай бүлэглэн Сэлэнгэ аймгийн Алтанбулаг чөлөөт бүсээс их хэмжээний виски, архи, согтууруулах ундааг худалдан авч, хуурамч онцгой албан татварын тэмдэгт нааж, их хэмжээний татвар төлөхөөс зайлсхийж, ашиг олж мөнгө угаах гэмт хэрэг үйлдсэн байж болзошгүй үйлдэлд мөрдөн шалгах ажиллагаа явуулж байна.
Тэдний нийт борлуулсан архины тоо 10 мянга хол давсан учир нийслэлд төдийгүй хөдөө орон нутагт тархсан байх магадлалтай.
Иймд сар шинээр сархад амсахгүй байхыг уриалж байна.
