Тэртээх 2005 онд Улсын драмын эрдмийн театрын тайзнаа Төрийн соёрхолт, Урлагийн гавьяат зүтгэлтэн Н.Наранбаатарын найруулгаар “Шөнө амталсан нулимс” жүжиг нээлтээ хийж, үзэгчдийн зүрх сэтгэлд хоногшин үлдсэн билээ.
Тухайн үед уг жүжгийн дууг МУГЖ С.Жавхлан дуулж олонд хүргэсэн байдаг.
Шүлгийг Ш.Гүрбазар /Төрийн соёрхолт, МУСГЗ/
Хөгжмийг Л.Балхжав /МУУГЗ/
Дуучин С.Жавхлан “Шөнө амталсан нулимс” жүжгийн дуу
Энэхүү уран бүтээлийг Соёлын гавьяат зүтгэлтэн, нэрт сэтгүүлч, зохиолч Ц.Балдорж агсны 70 насны ойд зориулан “Мөрөөдлийн театр”-ын уран бүтээлчид албан ёсны онцгой эрхтэйгээр тоглохоор болжээ. Тэд эх зохиол буюу “Шөнө буусан аадар” нэрээр нь шинэчилсэн найруулгаар үзэгчдийн хүртээл болгоход бэлэн болоод байгаа аж. Харин жүжгийн дууг орчин цагийн шинэ шилдэг уран бүтээлчдээр дахин амьдруулжээ. Тэдний сонголт “Voice of Mongolia” шоуны шилдэг оролцогчид болох Э.Дашням, Г.Даваадалай нар байлаа.
Шүлгийг Ш.Гүрбазар /Төрийн соёрхолт, МУСГЗ/
Хөгжмийг Л.Балхжав /МУУГЗ/
“Шөнө буусан аадар” жүжгийн дуу “Эр хүн би чинь”
Дуучин Э.Дашням, Г.Даваадалай
Монголчуудын сэтгэлд тод үлдсэн уг жүжиг 18 жилийн дараа хэрхэн амилсанг үзэгчид хэд хоногийн дараа тунгаах үлдлээ. Харин жүжгийн гол амь болох жүжгийн дууг хэн сайн амилуулсанг та бүхэн дор бүрнээ тунгаах биз ээ.
