Цахим хөгжил, харилцаа холбооны яамны Дэд сайд асан Б.Болор-эрдэнэ өдгөө хилийн чанадад мэргэжил дээшлүүлэнгээ ажиллаж амьдарч байна.
Түүний хувьд 2020 онд төрд гарч ирсэн “гүнж” гэхэд болно.
Хөөрхөн, хөрөнгө чинээтэй, боловсролтой, төрийн өндөр албан тушаалд “no merit” гарч ирсэн гээд хүний анхаарал, атаархлыг төрүүлэх олон “нууц” түүнд байлаа. Бас “10-1” түүнийг гараас нь хөтөлж улс төрийн тайзан дээр гаргасан гэх шивэр авир ч гарав.
“8+1” ер нь төрд боловсролтой, ирээдүйтэй “охид”-ыг шийдмэг оруулж байна. Сүүлийн жишээ нэгэн “охин”-ыг тарвасанд явуулсан билээ.
Ингээд ямартай ч тэр цагаас хойш эрчүүдээс илүү эмэгтэйчүүд нь Обуна гэж орилоод орноосоо унах нь их болсон юм. Мань хашир ч (улс төрчид нэгнээ араар нь ярихдаа ингэж нэрлэдэг) “төрсөн” цагаасаа эхлэн олны “коммэнт”-оос салсангүй. Алхаа гишгээ, өмссөн зүүсэн, хэлсэн ярьсан, хийсэн үйлдсэн бүрийг нь жиргээчид жиргэж, фэйсчид постолж байлаа.
Хоёрхон жилийн дотор Харилцаа холбооны даргаас Төрийн нарийн, Дэд сайд болов. Цаашлаад сайд ч болох гэрэлт ирээдүй. Тэр багаасаа л “яаруу” нэгэн байжээ. 14-тэй дунд сургуулиа, 18-тай их сургуулиа дүүргэж.
Гэтэл “Ам алдвал барьж болдоггүй, авлига авбал хадгалж болдоггүй” гэгч боллоо. Сайд “Хатан ижий” “ул”-наасаа болж огцороод уур нь гараагүй байхад дэд сайд “гүнж” маань жилийн өмнө хэлсэн үгэндээ ороогдож өргөдлөө өгч, улс төрөөс салж одсон түүхтэй.
