Урлагийн салбарт нэг гэр бүлийн хос Ардын жүжигчин цол хүртсэн тохиолдол бараг байхгүй биз ээ.
Тэгвэл энэ амжилтад хүрсэн хүмүүс болох АЖ П.Цэрэндагва, түүний гэргий АЖ Д.Мэндбаяр нарыг бид энэ удаагийн папараци дурандаа онцолж байна.
Тэдний хувьд 80 насны босготой нүүр тулж байгаа ч, шавь нарынхаа уран бүтээлд уригдан тоглож авьяасаараа бишрүүлсээр яваа. Мөн тэднийхээ уран бүтээлийн нээлтэд хүндтэй суудлыг эзлэн суудаг уран бүтээлч буурлууд болжээ.
Эрхэм Ардын жүжигчдийн хувьд театр, дэлгэцийн бүтээлд тоглохоос гадна сүүлийн 20 орчим жил урлагийн сургуульд багшилж буй.
