Хан-Уул дүүрэгт 850 ам метр талбайд АТГ-ын ажилчдын 16 давхар орон сууц барих зөвшөөрлийг 2021 онд олгож, улмаар явган хүний гарцад тулган барилга баригдаж эхэлсэн нь олны шүүмжлэл дагуулж байсан. Тэгвэл тус байр ашиглалтад орж, байр захиалагчид нь нүүж орсон байна.
Тодруулбал,Нийслэлийн Хан-Уул дүүргийн 15 дугаар хорооны нутагт, явган хүний гарцанд тулган 16 давхар ажилчдын орон сууц барьсан байна.
Газар зохион байгуулалт, геодези, зураг зүйн газрын egazar.gov.mn цахим хаяг дахь мэдээллээс харвал, тухайн барилгыг барьсан газрын эзэмшигчээр “Авлигатай Тэмцэх Газар” Төрийн байгууллага, албан газар, улсын төсөвт үйлдвэрийн газрын бүртгэлтэй байна.
Мөн тухайн нэгж талбарын дэлгэрэнгүй мэдээллээс харахад, тэрхүү 850 ам метр газар нь 9 ба түүнээс дээш давхар нийтийн орон сууцны зориулалтаар 2021 оны гуравдугаар сарын 4-ний өдөр олгогдсон гэж бүртгэгджээ.
Тухайн барилгыг өнгөрсөн 2021 онд барьж эхэлсэн байна.
