Хүнс хөдөө аж ахуй, хөнгөн үйлдвэрийн яамны Судалгаа хөгжлийн төвийн ажилтнууд осолд орж, нэг хүн нас барж, таван хүн гэмтжээ. Тэд Эмэгтэйчүүдийн эрхийг хамгаалах өдрийн баярыг тэмдэглээд, нийслэл рүү буцах замдаа осолд оржээ.
Хэргийг тодруулбал, 2023 оны 03 дугаар сарын 08-ны өдрийн 00 цаг 40 минутад Хан-Уул дүүргийн 21 дүгээр хорооны нутаг дэвсгэр ,Төв архивын зүүн замд Hyundai Starex маркийн тээврийн хэрэгсэл онхолдсон байна. Ослын улмаас 33-60 насны 2 эрэгтэй, 3 эмэгтэй гэмтэж, 53 настай эмэгтэй “О” нас баржээ. Тээврийн хэрэгслийн жолооч мөн гэмтсэн бөгөөд тэрбээр согтууруулах ундааны зүйл хэрэглээгүй байсан аж.
Тэд архидан согтуурч зодолдон, нэгнийхээ аминд хүрсэн байж болзошгүй албан бус мэдээлэл ч байна.
