Т.Бадамжунайн шүүх хурал болж байна

Хэрэгт шалгагдахаасаа өмнө Монголоос зугтаад таван жил болсон Т.Бадамжунайг дөрөвдүгээр сарын 5-ны өдөр эх оронд нь авч ирсэн билээ.
Түүнийг Монголд газардсан даруйд нь АТГ-аас яллагдагчаар татаж, хойшлуулшгүйгээр цагдан хориод буй.
Тэгвэл яг одоо цагдан хорионы хуралСүхбаатар дүүргийн эрүүгийн хэргийн анхан шатны шүүхэд болж байна. Өөрөөр хэлбэл, Т.Бадамжунайгийн цагдан хоригдох 48 цагийн хугацаа дуусахаас өмнө цагдан хориог сунгах хурал болно.
АТГ-аас Т.Бадамжунайг эрүүгийн хуулийн эрх мэдэл, албан тушаалын байдлаа урвуулан ашиглах, хахууль өгөх, мөнгө угаах зэрэг зүйл ангиудаар буруутган яллагдагчаар татсан. Улмаар хойшлуулшгүйгээр 48 цагийн хугацаатай саатуулсан. Тиймээс хуулийн дагуу 48 цагийн хугацаа дуусахаас нь өмнө үргэлжлүүлэх хорих саналыг хэлэлцэх учиртай. Яллагдагч Т.Бадамжунайгийн цагдан хоригдох хугацаа өнөөдөр 11 цагт дуусах юм.