Хүчиндэх гэмт хэрэг үйлдсэн этгээд Бүгд Найрамдах Турк улс(БНТУ) руу оргосон байсныг баривчлан Монголд авчирчээ. 
Тодруулбал, хүчиндэх гэмт хэрэг үйлдсэн иргэн “Б” гэгчид холбогдуулан 2019 оны тавдугаар сарын 16-нд Эрүүгийн хуулийн 12.1 дүгээр зүйлээр эрүүгийн хэрэг үүсгэж, яллагдагчаар татан мөрдөн шалгах ажиллагаа явуулсан байна.
Уг хэргийг тус оны зургаадугаар сарын 16-нд шүүхэд шилжүүлэх саналтай Хөвсгөл аймгийн Прокурорын газарт шилжүүлсэн бөгөөд яллагдагч “Б” гэгчид хувийн баталгаа гаргах таслан сэргийлэх арга хэмжээ авчээ.
Түүнийг Засгийн газрын “5ш” ажиллагааны хүрээнд БНТУ-ын Истанбул хотод Гадаадын иргэдийн асуудал хариуцсан албаар дамжуулан баривчлуулж, энэ оны тавдугаар сарын 19-ний өдөр Монгол Улсад ирүүлсэн.
Гэмт этгээдийг тавдугаар сарын 20-нд Хөвсгөл аймгийн Мөрөн суманд хуяглан хүргэж, Хөвсгөл аймаг дахь ШШГГ-т цагдан хорьж, мөрдөн шалгаж байгааг ЦЕГ-ын Хэвлэл мэдээллийн төвөөс мэдээлэв.
