О.Цогтгэрэл:Эрх чөлөөт туурга улсдаа иргэд, удамдаа хөвгүүд нэмсэн гэргий минь алдарт эх боллоо

Ерөнхийлөгчийн зарлигаар нийслэл болон 21 аймгийн, сум баг хороодын ээжүүд Алдарт эхийн одонгоо гардан авч байгаа билээ. Өчигдрийн одон гардуулах ажиллагаанд УИХ-ын гишүүн О.Цогтгэрэлийн үзэсгэлэнт гэр гийгүүлэгч нь дөрвөн хүүхэд төрүүлж өсгөж байгаагийнхаа шагнал болох Алдарт эхийн одонгоо гардан авчээ.
Эхнэрийнхээ талаар “Эрх чөлөөт тусгаар улсдаа иргэд, удамдаа хөвгүүд нэмсэн гэргий минь алдарт эхийн одонгоо гардлаа. Би гэрийнхээ тавдах хүүхэд болон мэндэлж ээж маань алдарт эхийн одонгоо зүүж, Одон хэмээх хүний одонгийн хүүхэд болжээ хэмээн хэлэгдэж явсан бол өнөөдөр одонтой гэр бүлийн тэргүүн боллоо. Гэргийдээ, гэр бүлдээ, цугтаа энэ өдрүүдэд одон хүртсэн гэр бүлүүдэд бүгдэд нь аз жаргалыг хүсье” гэж сэтгэлийн үгээ илэрхийлжээ.