Таван настай Г.Хүслэнгийн хүсэл мөрөөдөл юу бэ

Олон улсын хүүхдийн шилдэг загвар өмсөгч Г.Хүслэн 4 наснаасаа эхлэн олон улсын тэмцээн уралдаанд орж, Эх орноо тив дэлхийд сурталчилж, олон орны хүүхдүүдтэй загвар өмсөгчийн тэмцээнд оролцож, шилдэг гранприг нь авч ирсэн амжилттай. Тэрбээр олон улсын шилдэг тэмцээнд Монгол Улсаа төлөөлж, монгол дээлээ сурталчилан, дэлхийн алдартай загвар өмсөгчтэй дэлхийн тайзнаа алхсан билээ. Багаасаа урлаг болон загвар өмсөгчөөр явж дэлхийд нэртэй загвар өмсөгч, дуучин болох хүсэл мөрөөдөлтэй Г.Хүслэн нь МУАЖ С.Батсүхийн гарынх нь бяцхан шавь болсон байгаа. Тэрбээр багштайгаа нийлж маргааш буюу энэ сарын 2-нд “Ээжтэй орчлондоо хаан заяатай амьдраарай” тоглолтоо хийх гэж байна.
Г.Хүслэн нь хайртай багш мисс Гантогоод үргэлж талархаж явдаг ажээ. Тэрбээр “Хүүхдийн эрхийг хамгаалах өдөр баярын өдөр Монгол хүүхдүүдийн сурч мэдэх хөгжилд үнэтэй хувь нэмэр оруулж олон хүүхдийн ирээдүйн хүсэл мөрөөдлийг гэрэлтүүлж олон улсын тайзнаа дэлхийн хүүхдүүдтэй хөл нийлүүлэн алхах гадаад дотоод хамтран ажиллах харилцааны гүүр болж монгол хүүхдүүдийн нэр хүндийг өндөрт өргөж олон дурсамжтай ховор агшинг хамтдаа бүтээсэн Г.Хүслэнгийн гэр бүл бид танд талархаж явдаг. 2022/2023 онд бид хамтдаа Монгол Улсаа төлөөлөн олон улсын тэмцээнүүдэд амжилттай оролцож олон улсын 6 удаагийн хошой ТЭРГҮҮН ГРАН ПРИ шагналыг хүртэж маш их замыг туулж олон орон очин тэвчээр хатуулжил монгол ёс заншил соёл хувцас загвар дуу бүжиг хэл соёлоо гайхуулж АМЖИЛТ ололтыг хамтдаа бүтээсэн дурсамж дүүрэн. Энэхүү хамтын хүч хөдөлмөр маань Оны шилдэг хүүхэд болгож, Ерөнхий сайдын нэрэмжит шагналаар шагнуулсан. Дэлхийн хамгийн шилдэг Загварын шоунд оролцон монгол ноолууран загвар өмсөн алхаж BEST KIDS INTERNATIONAL MODEL Олон улсын хүүхдийн шилдэг загвар өмсөгч шагнал мөн хүртсэн нь маш азтай бахархалтай” гэжээ.