Ятгатай хослон дуулж олныхоо хайр хүндэтгэлийг хүлээсэн гавьяат жүжигчин Вандан, Дуламсүрэн хоёрыг таних хүн бараг байхгүй бизээ. Гэр бүлээрээ урлагийн салбарт хүчин зүтгэж яваа дуучдын хоёр хүү болон ач охин Б.Дуулим, бэр Эрка нь хүртэл уран бүтээлчид.
Тэгвэл өчигдрийн билэгт сайн өдөр хайртай хүү В.Баттулгынх нь эхнэр, хайртай бэр нь шар дээлээр гангарч очоод Эхийн алдар одонгоо зүүжээ. Хос дуучдын хайртай бэр нь гурван охин, нэг хүү төрүүлж өсгөж байгаа бөгөөд ийнхүү II дугаар одонгоо энгэртээ гялалзуулсан байна. Хос дуучдын гэр бүлд азжаргал хүсье.
