Одоогоос 19 жилийн өмнө буюу 2004 оны нэгдүгээр сарын 4-ны өдөр Г.Энэрэл, А.Гантулга гэх наймдугаар ангийн хоёр хүү сонирхлоороо нэгдэн “Опозит” хамтлагийг байгуулж байв.
Уран бүтээл бүр нь хит болж байсан ч хоёр хүний бүрэлдэхүүнтэй энэ хамтлаг гэнэт л тарсан. Тарсан шалтгаан нь эвдрэлцэл байсан гэдгийг олон хүн мэддэг бөгөөд өдгөө тэд хувийн амьдралдаа анхаарч байгаа гэж хэлж болно.
Тэднийг эргэж нийлээсэй гэх хүсэл уралгийнханд байдаг ажээ. Тухайлбал Люмино хамтлагийн МС өөрийнхөө цахим хуудсанд
“Хоёр дүү маань хоорондоо эвцэлдээд ажлаа хийх хэрэгтэй! Би гэдэг хүн эхнэр аваад 2008 онд ’Модны-2‘ гэдэг газар байр түрээслээд амьдардаг байв. Манай доод талын айл Гантулгынх байсан. Тэр үеэс дотно болж орж гардаг болов. Опозит бол Люмино, Татарын дараах шүлэглэг хамтлаг. Одооны шүлэглэг хүн бол Young Mo’G. Опозит хамтлаг миний ‘Platinium beatz’ цомогт орсон байдаг. Хэрвээ тоглолт хийх гэж байгаа бол ах нар нь ’25 жилээ’ холдуулъя даа. Амжилт. Опозит бол Монголын хип хопд гэрэл болж гарч ирсэн нэг хэсэг нь юм шүү!” хэмээн өөрийн байр сууриа илэрхийлжээ.
Ямартай ч Опозит хамтлаг эргэж нийлвэл сонсогчид нь болон урлагийнхан баярлахаар байна. Тэгэхээр Энэрэл, Гантулга нар сайндаад, учраа олчихвол олон хүн баярлахаар байна. Эвдрэлцэх биш эвлэрхийг хичээгээрэй хоёр оо !!!
