Дуучин Э.Болор-Уянгын дээрээс барилгын төмөр унаж, золгүй явдалд өртөх шахжээ

Талийгаач Эрдэнэцэцэгийн дуулж амьдруулсан “Чамайгаа оллоо”, “Учралын эгшиг” зэрэг дуунуудыг нь сэргээн шинэчилж дуулсан дуучин СТА Э.Болор-Уянга хамгийн сүүлд “Энэ миний огторгуйд” гурав дахь цомгоо гаргаад уран бүтээлээсээ түр хөндийрсөн байна. Нэг хэсэг гадаадад ажиллаж амьдарч байгаад эх орондоо ирсэн түүнийг урлагийнхан дундаа ганц биеэ ээж гэдэг. Охин нь ээжтэйгээ эн зэрэгцэхүйц том болжээ. Тэд яг үеийн найзууд шиг байдаг гэнэ. Дуучин Э.Болор-Уянгын хувьд автобусаар их зорчдог бөгөөд түүнийг папарцаад байдаг талаар сонирхуулан ярьдаг. Тэгвэл хэдхэн хоногийн өмнө дуучин бүсгүйд тун тоогүй золгүй явдал тохиолдох шахжээ. Тэрбээр “Баригдаж байгаа барилга дээрээс гадас шиг төмөр яг ард минь унав. Бурхан минь ус уух хувьтай л юм” хэмээн залбирчээ.