Жүжигчин Э.Уянгын өвөрмөц дүр төрх, стиль имиж

“Хэцүү анги” киноны Сувдаагийн дүрээр олны танил болсон жүжигчин Э.Уянга өдгөө хоёр хүүхдийн ээж болсон бөгөөд хөтлөгчөөр ажилладаг билээ. Хөтлөгч Э.Уянга нь 10 жилийн ширээнээс кино урлагт хөл тавин “Миний муу аав”, “Кино шиг амьдрал”, “Зоорь” зэрэг бүтээлд туслах болон гол дүрийг бүтээсэн. МУИС-ийг утга зохиолын ажилтан, сэтгүүлч мэргэжлээр төгссөн. Багаасаа сэтгүүлзүйн салбарт хүчин зүтгэсэн тэрбээр “Цоглог” хөтөлбөрийн хөтлөгч хийж байсан удаатай. Тэгвэл хөтлөгч хийхээс гадна загварын салбарт тэр дундаа дотуур хувцасны рекламд төрсөн биеэ “зориулж” цоо шинэ дүр төрхийг гаргаад амжжээ. Түүний ч хүсэл мөрөөдөл байсан гэнэ шүү. Энэ талаараа Э. Уянга цахим хуудсандаа “Удаан хугацаанд хүсч мөрөөдсөнөө зориглон биелүүллээ. Дөрвөн жилийн турш хоёр хүүхэд хөхүүлсэн бие минь юм шүү дээ. Ганцхан удаа амьдрах энэ хугацаанд залуу явах нь хэр урт билээ дээ. Өөрийн минь гэрэл гэгээг улам тод асааж өгсөн Синдерелла клиник -дээ баярлалаа. Чадвар, чанар хоёрт нь итгэж сонгосон минь хамгийн зөв болсон шүү.
Бид үргэлж, өдөр бүр, цаг тутам хамгийн сайн нь байх гэж хичээдэг. Сайн ээж, сайн эгч, сайн охин, сайн хань, гэрийн сайн эзэгтэй. Бидний үйлдэл бүр дэргэдээ байгаа хайртай хүмүүсийнхээ төлөө хичээсэн зүтгэл байдаг. Гэхдээ та өөрийгөө хэрхэн хайрладаг вэ? Та өөрөө яг юунд дуртай вэ? Та өөрийгөө ямар байлгахыг, яаж харахыг хүсдэг вэ? Ганцхан олдох амьдралдаа өөрийгөө ч бас хайрлаж, улам сайхнаар усалж тордож байгаарай” гэж бичжээ.