Хөдөлмөрийн баатар М.Уранцэцэгийн гар ийм л болжээ

Жүдо бөхөөрөө дэлхийд данслагдсан, дэлхийн нэртэй тамирчин Монгол Улсын хөдөлмөрийн баатар Гавьяат жүжигчин М.Уранцэцэг спортоосоо зодог тайлаад удаагүй байна. Зодог тайлсан даруйдаа холимог тулааны спортод хүч үзэхээр сэтгэл зүрх шулуудсан тэрбээр Монголдоо ирж хувийн бизнест хүч үзэж эхэлсэн. Мөн хүүхдийн олимпийн наадам болон Улаанбаатар Гранд слам 2023 тэмцээнд үзэгчийн хувиар оролцсон байгаа юм.
Хар багаасаа спортод буюу жүдо бөхөөр хичээллэж их амжилтын эзэн болсон Урнаа гавьяат маань жүдо бөхөөр барилдсан хүний гар ийм л муухай эвдэрч эв хавгүй болдог юм байна гээд өөрийнхөө гарын зургийг сторид хийжээ. Уг нь эмэгтэй хүний гар сүмбэн урт нарийнхан эвдрээгүй байх ёстой гэтэл тамирчин хүний гар яах аргагүй эвдэрч мойнийжээ. Гэхдээ энэ арван хуруу эвдэрч муухай болсон ч их амжилт, Монгол Улсын нэр хүнд энэ гартай шууд холбоотой гэдгийг олон хүн эрх биш ойлгож мэдэх байхаа.